رێنمایی بردنه‌ ده‌ره‌وه‌ی زێر و دراو:

1- دراو/ ڕۆیشتنی پاره‌ له‌فرۆكه‌خانه‌ و ده‌روازه‌كانی تر بۆ ده‌ره‌وه‌ی عیراق به‌بڕی(10000$) ده‌هه‌زار دۆلار  و(200000) دووسه‌دهه‌زار دیناری عیراقی ده‌بێت،ئه‌گه‌ر هاتوو له‌و بڕه‌ زیاتربوو ئه‌وا پێویستی به‌ڕه‌زامه‌ندی لایه‌نی په‌یوه‌ندیدار ده‌بێت وه‌ك(بانك)،واته‌ ئاڕاسته‌كردنی بۆ ئه‌و بانكانه‌ی كه‌ له‌ده‌روازه‌ سنوریه‌كان كارده‌كه‌ن.

2- زێر/ أ- ڕێگاده‌درێت به‌هه‌ر هاوڵاتیه‌كی عیراقی دانشتووی هه‌نده‌ران بڕی (25)گرام زێر بباته‌ده‌ره‌وه‌ و ئه‌گه‌رهاتوو له‌م بڕه‌ زیاتربوو ئه‌وا پیویسته‌ به‌ڵگه‌ی فه‌رمی هه‌بێ بۆ بردنی له‌شێوه‌ی (خطاب ضمان) به‌به‌های بڕی زێره‌كه‌ و بیدات به‌ئیداره‌ی گومرگ تاكو هه‌مان بڕ بگه‌رێنێته‌وه‌، به‌پێچه‌وانه‌وه‌ به‌پێ ی یاسا ده‌درێته‌ دادگای تایبه‌تمه‌ند.

ب- هاوڵاتی دانشتووی عیراق بۆی هه‌یه‌ بڕی ته‌نها(5) پێنچ گرام زێر بباته‌ ده‌ره‌وه‌ له‌كاتی ده‌رچوونی به‌شێوه‌ی كاتی و هێنانه‌وه‌ی هه‌مان بڕ له‌كاتی گه‌ڕانه‌وه‌ی.

 

رێنمایی هاتنی ئۆتۆمبێڵ

هه‌موو هاوڵاتیه‌ك یان كۆمپانیایه‌ك ده‌توانێت ئۆتۆمبێڵ بهێنێته‌ ناو هه‌رێمی كوردستان له‌رێگای خاله‌سنوریه‌كان به‌م شێوه‌ی خواره‌وه‌:.

1- ئه‌و هاولاتیانه‌ی بۆ سه‌فه‌ر سه‌ردانی هه‌رێمی كوردستان ده‌كه‌ن به‌ئۆتۆمبێلی تایبه‌تی خۆیان به‌لام مۆدیله‌كه‌ی رێگاپێدراونیه‌ ده‌بێت ته‌ئمیناتی لێ وه‌ربگیرێت له‌گه‌ڵ پاسه‌پۆرته‌كه‌ی بۆماوه‌ی(2) مانگ تاوه‌كو ده‌گه‌رێته‌وه‌.

2- ئۆتۆمبیلی صالۆن و أستیشن و بیكاب تاوه‌كو (2) ته‌ن به‌هه‌موو چه‌شنه‌كانیانه‌وه‌ دێته‌ ناوهه‌رێمی كوردستان به‌مه‌رجێك مۆدیلی له‌(2009) كه‌مترنه‌بێت.

3- ئۆتۆمبیلی بارهه‌ڵگر له‌(3) ته‌ن به‌سه‌ره‌وه‌ به‌هه‌موو چه‌شنه‌كانیانه‌وه‌ دێته‌ ناو هه‌رێمی كوردستان به‌مه‌رجێك مۆدیلی له‌(2001) كه‌متر نه‌بێت.

4- ئامێری ئینشائی و كشتوكالی به‌هه‌موو چه‌شنه‌كانیانه‌وه‌ دێته‌ ناو هه‌رێمی كوردستان به‌مه‌رجێك مۆدیلی له‌(1996) كه‌متر نه‌بێت.

5-ماتۆرسكیل به‌هه‌موو چه‌شنه‌كانیانه‌وه‌ دێته‌ ناو هه‌رێمی كوردستان به‌مه‌رجێك مۆدیلی له‌(2010) كه‌متر نه‌بێت.

6- له‌ 1/9/ی هه‌موو سالێك مۆدیل ده‌گۆرێت و مۆدیلێك به‌سه‌ر ده‌كه‌وێت.

7- رێنمایی تایبه‌ت بۆ ئه‌م ئۆتۆمبێلانه‌ی كه‌هاتووچۆی وولاتانی دراوسێ ی هه‌رێم ده‌كه‌ن ده‌بێت فۆرمی تایبه‌تیان بۆ بكرێت.

8- ئه‌و هاوولاتی و مامۆستا بیانیانه‌ی كه‌ له‌ كوردستان نشته‌ جێن ئوتۆمبێلیان به‌ناوه‌ ده‌توانن بۆ گه‌شت و گوزار به‌ئوتۆمبێلی تایبه‌تی خۆیان بچنه‌ ده‌ره‌وه‌ی هه‌رێم به‌مه‌رجێك ره‌زامه‌ندی وه‌زاره‌تی ناوخۆی هه‌بێت ئینجا رێگا پێدانی(رخصه‌ تجوال) ی پێ بدرێت بۆ كارپێكردنی.